Skrámur e. Örn Elías Guðmundsson (Mugison)

Tónlistarmaðurinn Örn Elías Guðmundsson, sem sjálfsagt er þekktastur undir nafninu Mugison, er ekki bara einhver blaðskellandi slagarasmiður og lýrukassaapi, hann er líka ljóðskáld. Árið 1995 kom út eina bók Arnar, Glos og fiður, undir skáldanafninu Örninn. Bókin er gefin út í sjálfsútgáfu, frágengin og umbrotin af höfundinum. Sérstaklega er tekið fram fremst í bókinni að endurbirta megi alla "hugsanlega og óhugsanlega" hluti úr bókinni, með hvaða hætti sem er, án skriflegs leyfis höfundar (með þeirri undantekningu að ekki má vitna í bókina í ritdómum) og því hafa Tregawöttin ákveðið að deila eins og einu ljóði með lesendum:

skrámur

I (hún)

auðvitað
vinir mínir spurningaleikir
einsog í útvarpinu
kemur svarið
undir lok þáttarins
en leggið samt við hlustir
því að þangað til
koma inn á milli
ábendingar

II (hún)

viskí leg-bekkur
rass brjóst
haldaralaus
þjónustulund
vopn bros
uppfull af ánægju
gef stunur á morgnana
hlutverk tilkynningaskyldan

III (hann)

ham kona nakin
allt molnar í burt
grimmd glampandi auga
yfirferð ilmur og yndi
dáð við dauðans dans

IV (hún)

ég á mér sýn undir sæng