30.8.06

Ljóðið fann sig sjálft


Ljóðið fann Magnús Þór Snæbjörnsson.

29.8.06

Ólafur Gunnarsson rifjar upp ljóð fá 1973


Á heimasíðu JPV forlags rifjar Ólafur Gunnarsson upp ljóð sem hann orti í september 1973 í París. Ljóðið ásamt stuttri frásögn af tilurð þess má sjá með því að smella hér.

25.8.06

Miðborgarstarf Ömmu





Ljóðið fann Ásgeir H Ingólfsson.

24.8.06

Gullöldin er aldrei núna

Í Morgunblaðinu er reynt að finna uppáhaldsljóðskáld Íslendinga á tuttugustu öld. Eitt tregawattið bregst við og lýsir eftir brúm, bætri ljóðakennslu og útskýringum á því hvers vegna Hannes sé skáldlegasta nafn þjóðarinnar. Smellið hér til að lesa.

23.8.06

Barkakýli úr tré

Út er komin ljóðabókin Barkakýli úr tré eftir Þorstein Guðmundsson grínista og rithöfund. Í henni er að finna yfir 100 einföld og stutt ljóð í anda þess fáránleika og þeirrar undirfurðulegu sýnar á hversdaginn sem hann er þekktur fyrir. Viðfangsefni Þorsteins eru margvísleg, allt frá Napóleon til Vinstri-grænna, frá bensínafgreiðslumönnum til gamla mannsins sem stofnaði Garðabæ. Bókin er kilja í vasabókarbroti og fæst í nokkrum vel völdum verslunum á stór-Reykjavíkursvæðinu og á þeim dreifbýlisstöðum sem teljast þess virði að bjóða upp á ljóð en hana má einnig nálgast með því að senda skáldinu sjálfu vinsamlegt sendibréf. Verð bókarinnar er 1.890 kr. Útgefandi er Nýhil og Eiríkur Örn Norðdahl ljóðskáld ritar formála.

19.8.06

Ljóðadagur, ljóðakvöld


Auk upplesturs Nykursfélaga (sem má lesa allt um með því að smella á myndina hér til hliðar) þá má nefna eftirfarandi ljóðræna viðburði á menningarnótt:

Reykjavíkurljóð: Í Hinu húsinu hefst dagskrá klukkan fjögur og meðal annars munu nemendur úr LHÍ og HÍ færa ljóð Tómasar Guðmundssonar uppá vegg.

Skáldavaka verður á Laugavegi 82. Guðbergur Bergsson, Jóhann Hjálmarsson og Vala Þórsdóttir lesa úr verkum sínum og Harpa Arnardóttir leikkona les úr verkum Þorsteins frá Hamri. Upplesturinn hefst klukkan þrjú en verður endurtekinn klukkan fimm, átta og níu.

Þekktir höfundar lesa upp í Iðu frá klukkan tvö til klukkan tíu, meira vitum við ekki um það mál ennþá.

18.8.06

Aubade e. Philip Larkin



Hér hyllum við Youtube vefinn, gjöf stafrænnar tækni til ljóðlistar. Við sjáum myndband við ljóðið Aubade eftir enska skáldið Philip Larkin. Það hefst á orðunum

I work all day, and get half-drunk at night.
Waking at four to soundless dark, I stare.
In time the curtain-edges will grow light.

Allt ljóðið má auðveldlega finna með google-undratækinu.

17.8.06

Mikilvæg tilkynning


Ljóðið fundu Eiríkur Örn Norðdahl og Ingólfur Gíslason.

16.8.06

Byssukjaftar Þjóðverja e. S. Baldrick

Búmm búmm búmm búmm,
búmm búmm búmm.
Búmm búmm búmm búmm,
búmm búmm búmm.

S. Baldrick

Þýðing: Eiríkur Örn Norðdahl

15.8.06

Besti dagur lífs míns eftir Björnstjerne Björnsson e. Ingólf Gíslason

Hér verða ekki rifjaðar upp magnaðar hrakspár...

ALLUR heimurinn fylgdist með því í beinni útsendingu
á hnattrænu sjónvarpsstöðvunum
þegar Írakar klifruðu upp á Saddam-styttuna í Bagdad
síðdegis á miðvikudag.

Æstur mannfjöldinn stappaði
sigri hrósandi á brotunum
og hausinn var dreginn um borgarstrætin
til að staðfesta fall Saddams
og fólkið fékk útrás fyrir áralangt innibyrgt
hatur og gremju.

Fréttamaður BBC-heimssjónvarpsins sagði þetta minna sig á
fall Berlínarmúrsins
uppreisnina í Prag
og atburðina fyrir framan þinghúsið í Moskvu.

Táknrænir atburðir
heimssöguleg þáttaskil.

Í tómarúminu hófust gripdeildir
samhliða fögnuði fólksins
yfir frelsun sinni.

Bæði hér og erlendis verður hlustandinn
að vera vel á varðbergi
svo að hann blekkist ekki af villuljósi.

Átökin við Saddam Hussein hafa náð tilgangi sínum
á mun skemmri tíma en flestir ætluðu.

Engin þjóð kemst í hálfkvisti við Bandaríkjamenn.


Ingólfur Gíslason

14.8.06

Guerlain Success

Ljóðið fann Gerður Kristný.

13.8.06

Húsráð við bættum draumförum

Í Lesbók gærdagsins má á næstöftustu síðu lesa prýðilegan ritdóm Ástráðs Eysteinssonar um ljóðabækur Óskars Árna Óskarssonar (Ráð við hversdagslegum uppákomum) og Braga Ólafssonar (Fjórar línur og titill). Sérstaklega er forvitnilegt að Ástráður hefur prófað sum ráðin sem Óskar gefur og staðfestir að „Gamalt húsráð við svefnleysi“ þrælvirki ekki bara við svefnleysi heldur geri draumana magnaðri í kaupbæti. Enn ein staðfesting þess aðljóðabækur séu praktískar. Einnig verður forvitnilegt að vita hvort ekki sé kominn tími á að sjálfshjálparbækur verði dæmdar af reynslu gagnrýnenda í framtíðinni og feiti gagnrýnandinn verði mjór, sá fátæki ríkur og sá önugi hamingjusamur. Nema náttúrulega bækurnar séu vondar.

Nánar má fræðast um ljóðabækurnar tvær hérna.

11.8.06

exquisite collage or andre going solo e. Marko Niemi




Tregawöttin tíu þúsund liggja í bloggunum þessa dagana og hafa á ráfi sínu m.a. fundið stórfenglegt ljóðablogg finnska ljóðskáldsins Marko Niemi, sem á ljóðið hér að ofan, sem heitir exquisite collage or andre going solo. Rennið músarbendlinum yfir ljóðið. Marko Niemi bloggar öðrum eins meistaraverkum á http://nurotus.blogspot.com.
Viðbót: Ljóðið virðist virka illa hér hjá öðrum en notendum Internet Explorer. Öðrum er bent á að smella hér til að sjá ljóðið í réttri mynd sinni.

9.8.06

Ljóða- og myndasögublogg


Tregawöttin tíuþúsund mæla með bloggsíðu bandaríska bókmenntafræðingsins Geoff Klock sem trúlega er þekktastur fyrir umfjöllun um ofurhetjur í myndasögum m.a. með bókinni How to Read Superhero Comics and Why. Í væntanlegu riti sem byggir á doktorsritgerð Klock Imaginary Biographies: Misreading the Lives of the Poets beinir hann sjónum að rómantískum skáldskap og hvernig hann teygir sig inn á 20. öldina.
Á bloggsíðunni skrifar hann gjarnan stuttar og skemmtilegar greinar um bókmenntir, einkum myndasögur og ljóð. Þar má t.d. lesa skemmtilega grein um prósaljóðið The Fall eftir Russel Edson, sjá hér.

Úlfhildur um Norrænar bókmenntir

Á bókmenntavefnum hefur nú birst umfjöllun um síðara holl í ljóðabókaseríu Nýhils, Norrænar bókmenntir. Það er Úlfhildur Dagsdóttir sem fjallar þar um, en Ingi Björn Guðnason hafði þegar gert fyrra hollinu skil. Úlfhildur ber m.a. hollin saman, og segist mun hrifnari af því síðara. „Uppskeran að þessu sinni er þó mun ríkulegri en frá fyrra hollinu, en að mínu mati náði bók Örvars Þóreyjarsonar Smárasonar þar ein máli. Af þessum fimm er hinsvegar aðeins ein sem ekki getur talist vel heppnuð, en það er bók Ófeigs Sigurðssonar, Roði. Eitt einkenni þessara ljóðabóka er að þær hafa allar yfir sér ákveðið heildaryfirbragð sem virðist mjög móðins, en er hinsvegar nokkuð vandasamt viðfangs.“ Þá segir Úlfhildur að „ofhlaðinn texti“ Ófeigs „líði fyrir tilgerð.“ Hún segir að Steinar Bragi, í bók sinni Litli kall strikes again, skapi „ferskan skáldskap úr þeim nýja textaheimi sem netvæðingin hefur opnað fyrir og nýtir sér möguleika þessa forms á kraftmikinn og krefjandi hátt.“ Hún segir látlausan stíl Þórdísar Björnsdóttur, í ...og svo kemur nóttin vera „of ógagnsær á stundum“ en njóti þess að vera „skemmtilega myndlýstur“. Um Eðalog eftir Val Brynjar Antonsson segir hún: „Myndmálið er almennt hressilegt og smart og bókin í heild vel heppnuð með nokkuð skemmtilegum leik með uppsetningu þarsem stakar línur úr textunum eru teknar út og þeim aðeins breytt á síðum milli prósanna.“ Hrifnust er Úlfhildur þó af ljóðabók Kristínar Eiríksdóttur, Húðlit auðnin, „Draumkennt yfirbragð og síendurtekin stef skapa sterka nærveru.[...] Það er eitthvað sérlega heillandi við þessa prósaröð Kristínar, hún skapar í knöppu máli heilan heim sem lesandi sogast auðveldlega inní og gleymir ekki.“

Umfjöllun Úlfhildar má lesa í heild sinni á bókmenntavefnum. Eins og áður segir má einnig finna þar umfjöllun Inga Björns Guðnasonar um fyrra holl Norrænna bókmennta.

8.8.06

Baldursljóð




Ljóðið fann Kristrún Heiða Hauksdóttir um borð í Baldri.

4.8.06

Ortu reiður um öxl


Tíu þúsund tregawött mæla í dag alveg sérstaklega með blogginu hans Jim Behrle. Hann nefnir það eina ljóðabloggið sem skiptir máli. Þar leikur hann sér með myndasögur og glansmerki, tengir á video-ljóð og er almennt grimmur við aðra bloggara og ljóðskáld. Hann er reyndar þekktur fyrir að skipta um vefslóð um leið og einhver tengir á hann - svo þið skulið drífa ykkur.

3.8.06

Tími til að myrða og skapa - aftur e. Eirík Örn Norðdahl

Það er fátt mikilvægara listamönnum en að neimdroppa. Þetta virðist kannski lítilsvert snobb við fyrstu sýn, og það má jafnvel hugsa sér að menn fái aulahroll. Guð veit að ég geng um af taugakippum í hvert skipti sem ég segi: „Language poetry“. Að ég tali nú ekki um Lang-po. En ég held það séu samt hreinar línur að aðilar ljóðabransans eru engan veginn nógu duglegir við að segja hvor öðrum hvað þeir eru að lesa – ef þeir eru þá að lesa nokkuð.

Meira hér...

2.8.06

Hinn ógnvekjandi sannleikur um girnd e. D Gottlieb


kveikt en
veit ekki
hvort ég vil
vera
hún, ríða henni
eða fá lánuð
fötin hennar.

Daphne Gottlieb

Daphne er bandarískt skáld og hefur heimasíðuna http://www.daphnegottlieb.com/

Ingólfur Gíslason þýddi.

1.8.06

Ofurmennisþrá og Af bílum

Ofurmennisþrá.
Af bílum.

Ljóðin fann Kristian Guttesen.


Refresh Page